فلسفه حمار؟

عجبي عليك يا ابن ادم يا كبير الدار

قومت الدنيا وما قعدت لما قالوا حمار

هو اسمي شتيمه ولا جنسي ده عار

خلقني ربي وخلقك ولاحدش له خيار

وانا مهما زاد الحمل فوقي صابر علي المشوار

لافي يوم اقول اشمعني اخويا واخد منه تار

ولايوم ابص لرزق غيري واطق منه واغار

ولا ارفع في يوم عيني علي جارتي واصون الجار

ولامهر ادفع لحمارتي وشبكه وسوار

ولاشقه اجمع في تمنها ولا اجهز دار

ولاحرمي حامل تتوحم عايزة الكافيار

ولابنت تخرج عن طوعي وتجيب العار

ولا ابن يدمن ويهلوس ويقع وينهار

عايش في حالي متهني وليه افكار؟

باكل وبشرب وانهق ومافيش اسرار

وعندي ابن ادم يخدمني ليل ويا نهار

ان جعت يشتري برسيمي باغلي الاسعار

وفي مرضي يفضل يعالجني ويدعي الستار

خادم امين من غير راتب ولا حتي ايجار

والحين عرفت يا بني ادم

مين فينا حمار؟!
أبن آدم اذا ترك عقله
يصير اكبر حمار